Þjálfun og ráðgjöf

Þau úrræði sem eru í boði í sjúkraþjálfun og iðjuþjálfun til að ná settum markmiðum eru af margvíslegum toga og mismunandi hvað hentar hverjum og einum. Þau geta ýmist verið í formi þjálfunar, ráðgjafar og/eða útvegun stoð- og  hjálpartækja. Boðið er upp á einstaklingsþjálfun og fjölbreytta hópþjálfun ásamt æfingum í sundlaug og á hestbaki.

Þjónustan fer fram á Æfingastöðinni eða í nánasta umhverfi barnsins, svo sem í leikskólanum, skólanum eða á heimilinu.

Markmiðið er ávallt að efla þátttöku og lífsgæði barnsins og fjölskyldunnar.