Fréttir

Sala er hafin á sumarhappdrættismiðum Reykjadals 2020. Allur ágóði af sölu happdrættismiðanna rennur til sumarbúðanna í Reykjadal.

Það er okkur sönn ánægja að tilkynna að Æfingastöðin mun hefja starfsemi að nýju mánudaginn 4.maí.

Félagsmálaráðuneytið, heilbrigðisráðuneytið og embætti landlæknis hafa gefið út ráð til foreldra vegna COVID-faraldursins

Vinir Reykjadals er hópur stuðningaðila sem styrkja starfsemi sumarbúðanna í Reykjadal með mánaðarlegu framlagi. Söfnun styrktaraðila hófst nú í mars og hefur gengið fram úr okkar björtustu vonum. Við erum bæði þakklát og stolt af að sjá hversu margir eru tilbúnir til að styrkja starfið í Reykjadal með þessum hætti.

Nú þegar þjónusta við ungbarnaforeldra er takmörkuð sjáum við mikla fækkun í beiðnum vegna ósamhverfu í hálsi ungbarna. Það væri óskandi að ástæða þessarar fækkunar væri vegna færri tilfella en það teljum við því miður afar ólíklegt.

Við vekjum athygli á því að við höfum heimild til að veita sjúkraþjálfun sem ekki getur beðið m.a. sjúkraþjálfun fyrir ungabörn með ósamhverfu í hálshreyfingum. Við getum veitt þessa þjónustu með skilyrðum og hvert tilfelli er metið fyrir sig. Vinsamlegast sendið fyrirspurn til Kolbrúnar yfirsjúkraþjálfara kolla@slf.is

Bréf til skjólstæðinga og aðstandenda 23. mars:

Ágætu skjólstæðingar og forráðamenn, Á meðan samkomubann stendur yfir er Æfingastöðinni heimilt að veita takmarkaða þjónustu og þurfum við á ykkar aðstoð að halda til að leggja okkar af mörkum til almannavarna.

Stjórn Styrktarfélags lamaðra og fatlaðra fundaði í dag og þar var ákveðið að starfsemi Æfingastöðvarinnar yrði haldið áfram. Verklagi hefur verið breytt til að auka smitvarnir og hópastarf verður endurskipulagt með tilliti til smitvarna. Við fylgjum nýjustu leiðbeiningum Almannavarna og sóttvarnarlæknis.