STAÐSETNING

Reykjadalur er staðsettur í Mosfellsdal og er þangað aðeins um 20 mínútna akstur frá Reykjavík. Ekið er Vesturlandsveginn í gegnum Mosfellsbæ, þegar komið er út úr bænum er beygt til hægri inn á afleggjarann til Þingvalla. Reykjadalur er í fimmta botnlanga til hægri, en sá botnlangi er merktur ,,Æsustaðir" og er gegnt  afleggjaranum að Mosfelli.

Umhverfið er fallegt, skammt er í fjalllendi og skemmtileg göngusvæði. Íþróttahús, sundlaug og heitur pottur eru á staðnum. Reiðhestar eru í næsta nágrenni og er um 10 mínútna akstur upp að Hafravatni þar sem farið er á báta.

Húsnæði rúmar allt að 30 börn, en fjöldinn ræðst af samsetningu hópsins hverju sinni.