VILTU STYRKJA STARFSEMINA?

Allt uppbyggingarstarf í Reykjadal hefur byggst á gjöfum og áheitum einstaklinga og fyrirtækja auk tekna af minningarkortum og símahappdrætti Styrktarfélags lamaðra og fatlaðra . Sú mikla velvild sem starfseminni hefur verið sýnd i gegnum tíðina hefur því skipt gríðarlegu máli og gert því kleift að skapa þá umgjörð sem starfað er við í dag.

Þeim sem áhuga hafa á að styrkja starfsemi Reykjadals með fjárframlögum,
er bent á reikning númer 53 í Arionbanka Austurstræti, Reykjavík.

Upplýsingar til útfyllingar gíróseðils eða innlagnarseðils:

Banki Hb Reikn.nr. Kennitala
0301 26 53 630269-0249

Einnig er styrktaraðilum að sjálfsögðu velkomið að hafa samband við skrifstofu Styrktarfélags lamaðra og fatlaðra í síma 535 0900, opið er alla virka daga frá kl. 08:00 - 16:00.

Kærleikskúlan
Tilgangurinn með sölu Kærleikskúlunnar er að auðga líf fatlaðra barna og ungmenna, með því að efla starfsemi Reykjadals. Gera þannig fleirum mögulegt að njóta þar ævintýra tilverunnar í hópi jafnaldra – eignast vini og dýrmætar minningar.

Kærleikskúlan er fyrst og fremst fallegur listmunur og skemmtileg til “söfnunar”,

en það sem gerir hana dýrmæta er innihaldið - kærleikurinn.

Sölutímabil er 15 dagar í desember ár hvert. Meira um Kærleikskúluna.

Símahappdrætti SLF er eitt af stærstu og elstu lausasöluhappdrættum landsins. Dregið er í happdrættinu einu sinni á ári, á aðfangadag. Síðustu ár hafa bifreiðar frá Toyota verið í vinning. Meira um símahappdrætti SLF.

Minningarkort frá Styrktarfélagi lamaðra og fatlaðra eru sérlega falleg og eru send samdægurs. Senda kort.