Þriðja árið í röð stendur fötluðu fólki á aldrinum 21-35 ára til boða að koma í sumarfrí að hætti Reykjadals. Verkefnið er styrkt af félags- og vinnumarkaðsráðuneytinu líkt og fyrri ár.
Að þessu sinni er verður boðið upp á fjögurra nátta dvöl í ágúst og september. Þetta er því tækifæri til að lengja sumarfríið og skella sér í síðsumarfrí þar sem Reykjadalsstemningin verður ríkjandi, óvissuferðir, kvöldvökur og fleira skemmtilegt.
Í ár ætlum við að nýta okkur aðstöðuna okkar í Skagafirði og Mosfellsdal. Umsækjendum er raðað niður í hópa eftir aldri og félagstengslum og verða hóparnir ýmist í Skagafirðri eða Mosfellsdal. Nánari upplýsingar um staðsetningu koma í úthlutunarbréfinu.
Endilega fyllið umsóknarformið samviskusamlega út.
Umsóknarfrestur er föstudagurinn 8.júlí.