Styrktarfélag lamaðra og fatlaðra

Styrktarfélag lamaðra og fatlaðra var stofnað árið 1952 og hefur frá upphafi verið frumkvöðull í þjónustu við fötluð börn og ungmenni. Meginmarkmið félagsins er að stuðla að aukinni orku, starfshæfni og velferð fólks með fötlun einkum barna.

Helstu verkefni félagsins eru:

  • Rekstur Æfingastöðvarinnar að Háaleitisbraut, þar sem fram fer umfangsmesta sjúkra- og iðjuþjálfun barna og ungmenna á landinu.
  • Rekstur sumar- og helgardvalar fyrir fötluð börn og ungmenni í Reykjadal Mosfellsbæ.

Styrktarfélag lamaðra og fatlaðra er með þjónustusamning við ríkið um þá heilbrigðisþjónustu sem þar fer fram. Öll uppbygging á aðstöðu og þróun Æfingastöðvarinnar er í höndum félagsins sem hefur notið ómetanlegs velvilja og fjárstuðnings frá einstaklingum, félagasamtökum og fyrirtækjum.

Vissir þú að:

  • fyrsta verkefni félagsins var stofnun og rekstur Æfingastöðvarinnar í febrúar 1956
  • hjá félaginu starfa um 40 manns þar af 25 sjúkra- og iðjuþjálfar
  • um 850 einstaklingar fá þjónustu þjálfara á hverju ári
  • aðstaða til sjúkraþjálfunar og iðjuþjálfunar er með því besta sem gerist
  • félagið hefur rekið sumar- og helgardvöl í Reykjadal, Mosfellsbæ frá árinu 1963
  • árlega koma um 200 fötluð börn og ungmenni til sumardvalar í Reykjadal og svipaður fjöldi kemur í helgardvöl á veturna
  • sumardvalargestir koma frá yfir 26 sveitarfélögum alls staðar að af landinu
  • á hverju sumri eru ráðnir yfir 70 nemar úr framhaldsskólum og háskólum til starfa við sumardvalir félagsins í Reykjadal.