Styrktarfélag lamaðra og fatlaðra

Styrktarfélag lamaðra og fatlaðra var stofnað árið 1952 og hefur frá upphafi verið frumkvöðull í þjónustu við fötluð börn og ungmenni. Meginmarkmið félagsins er að stuðla að velferð fólks með fötlun, þá einkum barna.

Helstu verkefni félagsins eru:

  • Rekstur Æfingastöðvarinnar að Háaleitisbraut, þar sem fram fer umfangsmesta sjúkra- og iðjuþjálfun barna og ungmenna á landinu.

  • Rekstur sumar- og helgardvalar fyrir fötluð börn og ungmenni í Reykjadal Mosfellsbæ.

Styrktarfélag lamaðra og fatlaðra er með þjónustusamning við ríkið um þá heilbrigðisþjónustu sem þar fer fram. Öll uppbygging á aðstöðu og þróun Æfingastöðvarinnar er í höndum félagsins sem hefur notið ómetanlegs velvilja og fjárstuðnings frá einstaklingum, félagasamtökum og fyrirtækjum.

Vissir þú að:

  • Fyrsta verkefni félagsins var stofnun og rekstur Æfingastöðvarinnar í febrúar 1956

  • Um 1600 einstaklingar fá þjónustu iðju- og sjúkraþjálfara á hverju ári

  • Aðstaða til sjúkraþjálfunar og iðjuþjálfunar er með því besta sem gerist

  • Félagið hefur rekið sumar- og helgardvöl í Reykjadal, Mosfellsbæ frá árinu 1963

  • Árlega koma dvelja um 300 börn og ungmenni í Reykjadal sem eiga þess ekki kost að sækja aðrar sumarbúðir vegna fötlunar.

  • Sumardvalargestir koma frá yfir 26 sveitarfélögum alls staðar að af landinu

  • Á hverju sumri eru ráðnir yfir 70 nemar úr framhaldsskólum og háskólum til starfa við sumardvalir félagsins í Reykjadal.