Fréttir

Æfingastöðin auglýsir stöðu iðjuþjálfa lausa til umsóknar. Á Æfingastöðinni starfar öflugur hópur iðjuþjálfa og sjúkraþjálfara að því að efla þátttöku barna og ungmenna heima fyrir, í skólanum og úti í samfélaginu.

Gunnhildur Jakobsdóttir hefur verið ráðin í stöðu yfiriðjuþjálfa á Æfingastöðinni og tekur við 1. febrúar næstkomandi. Gunnhildur lauk Bs. prófi í iðjuþjálfunarfræðum frá heilbrigðisdeild Háskólans á Akureyri árið 2011 og meistaraprófi í heilbrigðisvísindum frá sama skóla 2015. Þar að auki hefur Gunnhildur lokið námi um notkun hunda við meðferðir frá Landbúnaðarháskólanum í Noregi.

Dregið hefur verið í jólahappdrætti Styrktarfélags lamaðra og fatlaðra 2021.

Skrifstofa Styrktarfélags lamaðra og fatlaðra verður lokuð á milli jóla og nýárs. Við opnum aftur 3. janúar. Starfsfólk Styrktarfélags lamaðra og fatlaðra og Æfingastöðvarinnar óskar skjólstæðingum sínum og landsmönnum öllum gleðilegrar hátíðar.

Kærleikskúla ársins 2021 er uppseld á skrifstofu Styrktarfélags lamaðra og fatlaðra að Háaleitisbraut 13. Hún er einnig uppseld á langflestum sölustöðum.

Karl Guðmundsson listmaður er handhafi Kærleikskúlunnar 2021. Árlega velur stjórn Styrktarfélags lamaðra og fatlaðra handhafa Kærleikskúlunnar. Kúlan er veitt framúrskarandi fyrirmynd fyrir störf í þágu fatlaðra.

Kærleikskúla ársins 2021 sýnir sólargang eins árs Eitt ár eftir Sirru Sigrúnu Sigurðardóttur er Kærleikskúla ársins 2021. Þetta er nítjánda Kærleikskúlan sem Styrktarfélag lamaðra og fatlaðra gefur út en markmiðið með sölu hennar er að auðga líf fatlaðra barna og ungmenna. Allur ágóði af sölunni rennur óskiptur til sumarbúða Styrktarfélags lamaðra og fatlaðra í Reykjadal.

Þvörusleikir er jólaórói Styrktarfélags lamaðra og fatlaðra 2021. Hönnunarteymið Arnar&Arnar hannaði óróann og Kristín Svava Tómasdóttir samdi kvæði um kappann. Þvörusleikir er síðastur í jólaóróaseríunni sem telur alls sextán óróa. Jólasveinarnir þrettán hafa verið færðir í stál ásamt Grýlu, Leppalúða og Jólakettinum. Markmiðið með gerð og sölu jólaóróanna er að auðga líf fatlaðra barna og ungmenna en allur ágóði af sölunni rennur óskiptur til Æfingastöðvarinnar sem Styrktarfélagið á og rekur.

Okkur barst tilkynning um að aðili sem er ekki á okkar vegum hafi verið að safna fé í okkar nafni á fölskum forsendum. Alla okkar fjáröflun má tengja starfsemi okkar og bankareikningar eru allir á okkar kennitölu. Einstaklingar eru ekki að safna fé í okkar nafni. Okkar fjáröflunarleiðir eru sala Kærleikskúlu, Jólaóróa, happdrætti og mánaðarlegir styrkir til Vina Reykjadals. Við hvetjum fólk til að gefa ekki upp kortanúmer ef símtal eða tölvupóstur er grunsamlegur.

Kæru vinir og velunnarar. Þau hvimleiðu mistök áttu sér stað við útgáfu jólahappdrættismiðans okkar að rangt tegundaheiti var gefið upp á Kia bílnum í upptalningu happdrættisvinninga. Í aðalvinning er Kia e-Niro en á miðanum stendur að það sé Kia e-Soul.