Sumarverkefnin aftur í ár - opið fyrir umsóknir!

Annað árið höfum við fengið tækifæri til að bjóða fleirum upp á sumadvöl, ævintýri og gleði í anda Reykjadals. Síðasta sumar buðum við upp á  fjögur ný og spennandi verkefni: Sumarbúðir í Háholti í Skagafirði, ævintýranámskeið á höfuðborgasvæðinu, sumarfríi fyrir fullorða með fötlun og fjölskyldubúðir Reykjadals. Verkefnin eru unnin að frumkvæði félagamálaráðuneytisins sem viðbrögð við félagslegum áhrifum Covid- 19 faraldursins líkt og síðasta sumar. Markmið verkefnanna er að bjóða börnum og ungmennum með fötlun og/eða sérþarfir upp á afþreyingu í sumar og rjúfa félagslega einangrun þeirra eftir þær erfiðu aðstæður sem sköpuðust í kjölfar útbreiðslu faraldursins.

Við höfum opnað fyrir umsóknir um dvöl í Háholti, sumarfríi Reykjadals og ævintýranámskeiðunum! Hér eru nánari upplýsingar um hvert og eitt verkefni ásamt tenglum á umsóknareyðublöð:

• Ævintýrabúðir Reykjadals í Háholti í Skagafirði
  • Sumarbúðir fyrir börn og ungmenni á aldrinum 8-18 ára með ADHD og/eða einhverfu. Hugmyndafræði ævintýrabúðanna í Háholti er sú sama og í Reykjadal. Lögð er áhersla á að allir sem þangað sækja fái að njóta sín á sínum eigin forsendum og skemmti sér í góðra vina hópi.  
  • Sækja  dvöl í Ævintýrabúðum Reykjadals í Háholti
    
    
• Ævintýranámskeið Reykjadals á höfuðborgarsvæðinu 
  • Leikjanámskeið í anda Reykjadals fyrir börn og ungmenni á aldrinum 8-18 ára með fötlun og/eða sérþarfir.
  • Sækja um Ævintýranámskeið Reykjadals
    
    
• Sumarfrí Reykjadals
  • Líkt og í fyrra ætlum við að taka á móti fólki á aldinum 21-40 ára upp á sumarfrí í anda Reykjadals. Við viljum bjóða þeim sem komu í Reykjadal í æsku að upplifa aftur Reykjadalssteminguna, ógleymanlegar kvöldvökur, gleði og vináttu. Þau sem ekki hafa komið í Reykjadal áður eru auðvitað líka velkomin. 
  • Sækja um Sumarfrí Reykjadals

Hér fyrir neðan eru nokkrar myndir frá Ævintýrabúðum Reykjadals í Skagafirði og Sumarfríi Reykjadals í Grindavík. Eins og sjá má var farið víða og allsstaðar var tekið vel á móti gestum okkar: