Reykjadalsvinir: Vinahópar í sumarfrí með Reykjadal 2024
Umsóknarfestur liðinn
Fimmta árið í röð stendur fötluðu fólki á aldrinum 21-35 ára til boða að koma í sumarfrí að hætti Reykjadals í ágúst eða september. Verkefnið er styrkt af félags- og vinnumarkaðsráðuneytinu líkt og fyrri ár.
Að þessu sinni verður fyrirkomulagið þannig að vinahópurinn hittist í byrjun sumars og skipuleggur sjálfur komandi frí, hvert vinahópurinn á að fara, hvaða dagskrá verður og gerir matseðil.
- 1-2 skipulagshittingar í maí-júní
- Dvölin sjálf í 3 nætur í ágúst/september
Þetta er því tækifæri til að lengja sumarið og skella sér í frí þar sem Reykjadalsstemningin verður ríkjandi, óvissuferðir, kvöldvökur og fleira skemmtilegt með hópi af fólki sem þú tengir við.
Markmiðið er að efla öll í hópnum að taka þátt í skipulaginu og sjá afreksturinn með vinahópnum síðar um sumarið.
Umsóknarfrestur er 5. apríl 2024 og úthlutun mun fara fram stuttu seinna.
Verð í fríið er 65.000kr með öllu inniföldu. Takmörkuð pláss eru í boði.
Við horfum til vináttu þegar við röðum í hópana og gerum okkar besta að svara óskum ykkar.
Það má heyra í forstöðufólki í síma: 5666234 eða í gegn um reykjadalur@slf.is
Þvílíkt sem við erum spennt að hitta Reykjadalskempurnar okkar <3
Vinsamlegast fyllið umsóknarformið samviskusamlega út.