Við sköpum ævintýri!

 

Reykjadalur er sumar- og helgardvalarstaður í Mosfellsdal fyrir börn og ungmenni með fötlun og/eða sérþarfir. Í Reykjadal er börnum og ungmennum sem þurfa sérstakan stuðning gefið tækifæri til að skapa ógleymanlegar minningar. 

Aukaverkefni sumarið 2021:

Í sumar getum við boðið upp á fleiri valkosti en Reykjadal í Mosfellsdal. Annað árið í röð höfum við fengið tækifæri til að bjóða fleirum upp á sumadvöl, ævintýri og gleði í anda Reykjadals. Verkefnin eru unnin að frumkvæði félagamálaráðuneytisins sem viðbrögð við félagslegum áhrifum Covid- 19 faraldursins líkt og síðasta sumar.

Sumarverkefnin eru öll í anda Reykjadals. Þar er haft að leiðarljósi að ekkert sé ómögulegt og ævintýrin látin gerast. Vináttan er mikilvægur þáttur í starfseminni. Við leggjum mikla vinnu í að raða í hópa í von um að gestir okkar geti eignast vini og séu fremstir meðal jafningja.

Hjá okkur starfar kraftmikið og hugmyndaríkt starfsfólk sem er tilbúið að taka þátt í að gera sumarið ógleymanlegt.

Langar þig að starfa í Reykjadal? Nánar um það hér

Forstöðumaður Reykjadals er Margrét Vala Marteinsdóttir. Hægt er að ná í hana með því að senda tölvupóst á reykjadalur@slf.is eða hringja í Styrktarfélag lamaðra og fatlaðra í síma 535-0900.