Fræðsla fyrir fjölskyldur: Netöryggi í tölvuleikjum – fyrir öll!

Æfingastöðin og Rafíþróttasamband Íslands (RÍSÍ) bjóða upp á opna fræðslu fyrir foreldra, aðstandendur og öll sem hafa áhuga á tölvuleikjum, rafíþróttum og öryggi barna á netinu.

Á tímum þar sem börn og ungmenni verja sífellt meiri tíma í stafrænum leikjum og samskiptum er mikilvægt að foreldrar og leikmenn sjálfir hafi aðgang að gagnlegri þekkingu og verkfærum. Þessi fræðsla snýr að netöryggi og stafrænum samskiptum í leikjaumhverfum eins og Roblox, Discord og Twitch – með það að markmiði að efla kunnáttu og færni ungra leikmanna og aðstandenda þeirra.

Við förum yfir grundvallaratriði internetsins, stillingar í leikjum og hvernig hægt er að styðja við heilbrigð, örugg og jákvæð samskipti í rafrænu umhverfi.

Viðburðurinn er hluti af samstarfsverkefni Æfingastöðvarinnar og Rafíþróttasambands Íslands (RÍSÍ). Markmið verkefnisins er að auka vitund og þekkingu barna, unglinga og foreldra um örugga netnotkun í tengslum við rafræna tómstundaiðkun og leikjaumhverfi.

Verkefnið hlaut nýverið netöryggisstyrk frá Eyvör NCC-IS sem er hæfnisetur í netöryggi á Íslandi og styður íslenskt samfélag með markvissum hætti við að efla rannsóknir, þekkingu og þróun á sviði netöryggis. Eyvör starfar í nánu samstarfi við evrópska netöryggisstofnun (ECCC) og styður við nýsköpun og framtíðarsýn þar sem íslensk fyrirtæki og stofnanir verða leiðandi á heimsvísu í netöryggi.

Við hlökkum til að sjá ykkur – öryggi og velferð barnanna okkar skiptir máli!

📅 Fimmtudagur 26. júní kl. 17:00
📍 Háaleitisbraut 13, 4. hæð
💬 Frítt inn – en vinsamlegast staðfestu þátttöku á Abler
https://www.abler.io/shop/slf/slf/product/Q2x1YlNlcnZpY2U6NDE1MjQ=