Hlauptu til góðs! Reykjavíkurmaraþon Íslandsbanka 23. ágúst 2025

Reykjavíkurmaraþon Íslandsbanka fer fram laugardaginn 23. ágúst 2025. Við biðjum þig um að ganga (eða hlaupa!) til liðs við okkur og styðja við mikilvægt starf Styrktarfélags lamaðra og fatlaðra, Æfingastöðvarinnar eða Reykjadals.

Með því að skrá þig til leiks og safna áheitum hjálpar þú börnum, ungmennum og fjölskyldum þeirra að fá þá þjónustu, stuðning og tækifæri sem þau eiga rétt á.

Við eflum þátttöku barna og ungmenna í samfélaginu með áherslu á tækifæri fatlaðra barna og fjölskyldna þeirra til að eiga aðild að tómstundum og menningarlífi, lifa öruggu og heilbrigðu lífi, rækta sjálfsmynd sína, hæfileika og færni.

Hjá okkur fá þau tækifæri til að taka þátt í fjölbreyttum úrræðum til að efla styrkleika sína, eignast félaga, hafa gaman og leggja grunn að farsælli framtíð!

Hvernig virkar þetta?

1. Farðu inn á hlaupastyrkur.is og skráðu þig í hlaupið.

2. Veldu Reykjadal, Æfingastöðina eða Styrktarfélag lamaðra og fatlaðra sem þitt góðgerðarfélag.

3. Búðu til þína eigin áheitasíðu á „Mínum síðum“ og deildu henni með fjölskyldu, vinum og vinnufélögum.

4. Hvert áheit skiptir máli – hver króna skilar sér í bætt lífsgæði og aukna þátttöku fyrir öll!

5. Hlaupafólkið okkar getur treyst á stuðning – við mætum með hlýjar móttökur, gefum varning til að þakka þátttökuna og sköpum jákvæða og hvetjandi stemningu á hlaupadeginum.

    

Skráning er hafin á hlaupastyrkur.is