Fréttir

Laugardaginn 25. maí fór fram dansmaraþon í annað skipti á Íslandi. Viðburðurinn fór fram í Listasafni Íslands við Fríkirkjuveg þar sem fjöldi fólks dansaði í allt að 6 klukkustundir frá kl. 11-17. Samtals söfnuðust 130.000 krónur sem renna óskiptar til Styrktarfélags lamaðra og fatlaðra.

Í september næstkomandi fer fram bæði Ráðstefna og námskeið Æfingastöðvarinnar, daganna 14-16. september auk réttindanámi í sjúkraþjálfun á hestbaki

Æfingastöðin auglýsir tvær stöður sjúkraþjálfara lausar til umsóknar. Um er að ræða tvær 100% stöður (eða eftir samkomulagi). Önnur staðan er afleysingstaða frá ágúst 2024 – júní 2025. Við viljum ráða öfluga sjúkraþjálfara sem hafa brennandi áhuga á fjölbreyttu starfi með börnum og fjölskyldum þeirra, þátttöku í stefnumótun og nýsköpun í starfi. Við hvetjum sjúkraþjálfara með reynslu jafnt sem nýútskrifaða til að sækja um. Æfingastöðin er fjölskylduvænn vinnustaður og er vinnuvika starfsfólks í fullu starfi 36 klst.

Dönsum saman fyrir Styrktarfélag lamaðra og fatlaðra. Laugardaginn 25. maí næstkomandi fer fram dansmaraþon í Listasafni Íslands við Fríkirkjuveg. Dansmaraþon er góðgerðarviðburður þar sem fólk með mismunandi líkamlega hreyfigetu og upplifanir hittist á dansgólfinu og dansar saman fyrir jöfnum tækifærum. Maraþonið fagnar fjölbreytileika í dans- og hreyfimenningu. Við viljum að dans sé fyrir alla óháð líkamlegri hreyfigetu. Þess vegna bjóðum við öllum að koma og dansa með okkur til styrktar góðu málefni. Öll velkomin.

Fjórða árið í röð hafa Golfklúbbur Mosfellsbæjar og Palli Líndal ákveðið að taka höndum saman og halda Palla Open styrktarmótið í golfi. Í ár verður mótið haldið til styrktar sumarbúðunum í Reykjadal.

Aðalfundur Styrktarfélags lamaðra og fatlaðra verður haldinn í húsnæði félagsins að Háaleitisbraut 13, fimmtudaginn 20. júní, kl. 17:00.

Sumarhappdrættismiði Styrktarfélags lamaðra og fatlaðra mun berast í heimabankann hjá flestum. Einnig er hægt að kaupa rafrænan happdrættismiða í netverslun SLF.

Opnað hefur verið fyrir umsóknir um Fjölskyldufrí Reykjadals 2024. Tímasetningar í boði: 16.maí - 19.maí 2024 og 30.maí - 2.júní. Umsóknarfrestur rennur út fimmtudaginn 25. apríl.

Stjórn SLF býður til opins félagsfundar, fimmtudaginn 11. apríl kl. 17-19, í húsnæði félagsins að Háaleitisbraut 13.